काठमाडौ ५ माघ । सामाजिक अभियान्ता , टिकटक स्टार तथा नेकपा एकिकृत सामाजवादी पार्टीका केन्द्रिय सदस्य पुण्य गौतमले एमसीसी कुख्यात परियोजना भएको बताएका छन् ।
बुधरबार ओएस नेपालको इन्टरनेसनल डिसर्कोसमा पत्रकार एचवी ताम्राकारसँगको अन्र्तवार्तामा गौतमले यस्तो बताएका हुन् । राष्ट्रघाती एमसीसी नेपाललाई द्धन्द्धमा लैजाने परियोजना भएकाले यो कदापी पास नहुने पनि उनले बताएका छन् ।
यदि आफ्नो पार्टी र नेकपा माओवादी सत्तागठवन्धनमा नभएको भए प्रधानमन्त्री शेरबहादुर देउवाले एकै रातमा एमसीसी टेबुल गर्ने पनि गौतमले ठोकुवाका साथ भनेका छन् । ‘हामीले एमसीसीको विरोध गरेका हौं अमेरिकाको होइन’ उनले भने ।
फरक प्रसंगमा गौतमले सभामुख अग्नि प्रसाद सापकोटा पनि एमसीसीको पक्षमा भएको संकेत गरेका छन् । उनले आज पनि अग्नि प्रसाद सापकोटालाई रहस्मय पदको अफर आइरहेको छ ।
एमसीसी पास गरे यो भन्दा माथि तपाईलाई लैजान सकिन्छ भनिद आएको उनको ठहर रहेको छ । कार्यक्रममा उनले सर्वोच्च अदालतमा सापकोटा विरुद्ध परेको अर्जुन लामा हत्याको फाइल सुनुवाई भए सापकोटा सिधै जेल जानु हुनेछ भनेर भनी सापकोटालाई धम्काइएको उनको दावी रहेको छ ।
कांग्रेसका महामन्त्री गगन थापा , विश्व प्रकाश शर्मा सन् २००८ देखि नै एमसीसी पास हुनुपर्छ भन्दै लागि परेको समेत बताएका छन् । यदि एमसीसी पास गरियो भने आफ्नो नेकपा एस पार्टी सरकारबाट बाहिरिने समेत उनले खुलासा गरेका छन् ।
साथै अर्को फरक प्रसंगमा उनले भारतीय प्रधानमन्त्री नरेन्द्र मोदीले नेपाली भुमिमा सडक निमार्ण गर्दै गरेको योजना ठाडै खारेज गर्ने समेत दावी गरेका छन् । हेरौं पत्राकार एचवी ताम्राकार र पुण्य गौतमबिच भएको यो रोचक भिडियो ।
