काठमाडौं ३ माघ । प्रदेश २ को नाम र राजधानीको नाम टुंगो लगाउन आज मतदान हुने भएको छ । पटक पटक सहमतिको प्रयास विफल हुँदा मतदानबाट नाम र राजधानीको नाम टुंगो लगाइने भएको हो ।
मतदान आज दिउँसो १ बजे गर्ने तयारी भइरहेको छ । प्रदेश सभामा सभामुख सहित १०४ जना सासद रहेका छन् । मतदानमा पनि दुई तिहाइको संख्या पुर्याउनुपर्ने भएको छ ।
जसको लागि ७० प्रदेशसभा सदस्यको समर्थन चाहिन्छ । नामका लागि चार र राजधानीका लागि तीन वटा प्रस्ताव आएको छ ।
जसपाको ३९, कांग्रेसको १९, लोसपाको १६, एकीकृत समाजवादीको १३, माओवादीको ८, एमालेको ८ र नेपाल सङ्घीय समाजवादी पार्टीको १ जना सांसद रहेका छन् ।जसले गर्दा आजै टुङ्गो लाग्ने सम्भावना कम भएको स्पष्ट देख्न सकिन्छ ।
