काठमाडौं २ माघ । कोभिड १९ कोरोना भाइरसको संक्रमण दिनप्रति दिन बढ्दै गएपछि सरकारले विभिन्न क्षेत्रमा प्रवेश गर्न रोक लगाएको छ ।
सरकारले जारी गरेको पछिल्लो नियम अनुसार एक पटकमा सपिङमल तथा डिपार्टमेन्ट स्टोरहरुमा २५ जना मात्र प्रवेश गर्न पाइने भएको छ ।
जसमा मास्कलाई अनिवार्य गरिएको छ । साथै प्यालेसहरुमा विवाह, ब्रतबन्ध जस्ता धार्मिक सांस्कृति कार्य सञ्चालन गर्नको लागि प्रमुख जिल्ला अधिकारीबाट पूर्वस्वीकृति लिनुपर्ने भएको छ ।
विवाह जस्ता धार्मिक कार्यमा बढीमा ५० जना मात्र सहभागी हुन पाउने सरकारले अर्को नियम बनाएको छ ।
यस अघि सरकारले माघ १५ गते सम्म जिम तथा फिल्म हल बन्द गर्ने निणर्य गरिसकेको छ ।
साथै १५ गते सम्म देशभर विद्यालय बन्द , २५ जना भन्दा बढी भेला हुन नपाइने आदेश दिइसकेको छ ।
