काठमाडौं । नेपालमा पछिल्ला दिनमा कोरोना संक्रमणको दर तिब्र गतिमा फैलिइरहेका बेला शुक्रबार ५ हजार ८७ जना संक्रमित थपिएका छन्।
स्वास्थ्य तथा जनसंख्या मन्त्रालयका अनुसार शुक्रबार आएको पिसिआर परीक्षणको नतिजाबाट ४ हजार २०४ र एन्टिजेन परीक्षणबाट ८८३ जनामा कोरोना संक्रमण पुष्टि भएको हो । पछिल्लो २४ घण्टामा २० हजार ५६० जनामा कोरोना परीक्षण गरिएको थियो।
मन्त्रालयका अनुसार देशभर १८ हजार २ सय ३५ जना कोरोनाका सक्रिय संक्रमित छन्। पछिल्लो २४ घन्टामा कोरोना संक्रमणबाट ३ जनाले ज्यान गुमाएका छन्। मन्त्रालयका अनुसार पछिल्ला दिनमा संक्रmमणको दर तिब्र गतिमा फैलिइरहेको छ ।
