काठमाडौं २८ पौष । आठ जनाको हत्या गरेको आरोपी नसिम खान (बादशाह) ले सफाई पाएका छन् । जिल्ला अदालत कपिलवस्तुले ८ जनाको हत्या गरेको अभियोगमा दावी नपुगेको भन्दै खानलाई सफाइ दिएको हो ।
जिल्ला न्यायाधीश जवाहिर सिंहको एकल इजलासले नसिम खान र उनीसँग जोडिएका सबैलाई सफाइ दिएको हो ।
कपिलवस्तु मायादेवी गाउँपालिका–४ का निवासी खानमाथि आठ जनाको हत्या, एक ज्यान मार्ने उद्योग र डाँका मुद्दा चलाइएको थियो ।
चार जना माओवादी कार्यकर्ता, दुई जना बालबालिका र एक जना कर्मचारीको हत्या आरोपित नसिमलाई प्रहरीको केन्द्रीय अनुसन्धान ब्युरो सीआईबीले २ वर्षअघि काठमाडौँबाट पक्राउ गरेको थियो ।
