काठमाडौं २८ पौष । कोरोना भाइरसको संक्रमण बढ्दै गएपछि खोप लगाएको कार्ड अनिवार्य भएको छ ।
सिसिएमसीको सिफारिसमा गृह मन्त्रालयले सार्वजनिक क्षेत्रमा जान तथा होटलमा प्रवेश गर्न पनि कोरोना विरुद्धको खोपको कार्ड अनिवार्य गरेपछि अहिले काठमाडौं स्थित टेकु अस्पतालमा खोप लगाउनेको भीड बढेको छ ।
सरकारले फेरि प्रतिबन्धात्मक नियम लागु गर्न सुरु गरेसँगै खोप लगाएको प्रमाण देखाउनु पर्ने नियम लागु गर्न सम्बन्धित निकायलाई निर्देशन दिएको छ ।
आजबाट काठमाडौंमा २५ जना भन्दा भन्दा बढी भेला हुन नपाउने भएको छ । साथै माघ ७ गतेबाट कोरोना लगाएको कार्ड अनिवार्य गरेको छ ।
