काठमाडौं । कोरोना संक्रमणपछि गम्भीर बनेका विवेकशील साझाका नेता उज्वल थापालाई अहिले कस्तो छ ? थापाको पछिल्लो अवस्थाबारे अस्पतालले पछिल्लो बिवरण सार्वजनिक गर्दैछ ।
कोरोना संक्रमणपछि गम्भीर बनेका थापाको अवस्थाबारे जानकारी दिनुअघि अस्पतालले परिवारका सदस्यलाई पनि अस्पतालमा बोलाएको सेतले जनाएको छ । सो पार्टीका नेता हरिष भट्टका अनुसार जधानीको मेडिसिटी अस्पतालको भेन्टिलेटरमा उपचार गराइरहेका छन् । अस्पतालले ‘स्टेटमेन्ट’ जारी गरेपछि मात्रै उनको अवस्थाबारे थाहा लाग्ने बताइउको छ ।
यो पनि : संवैधानिक इजलाससम्बन्धमा समाधान खोज्ने सहमति : प्रधानन्यायाधीश चोलेन्द्रशम्शेर जबरा र सर्वोच्च बार एशोसिएशनका पदाधिकारीबीच संवैधानिक इजलाससम्बन्धी विवादको दीर्घकालीन समाधान खोज्ने विषयमा सहमति भएको छ । प्रधानन्यायाधीश राणासँगको छलफलपछि पत्रकारसँग कुरा गर्दै सर्वोच्च बारका अध्यक्ष पूर्णमान शाक्यले संवैधानिक इजलाससम्बन्धी विवादको समाधान खोज्ने विषयमा सहमति भएको जानकारी दिनुभयो ।
“संवैधानिक इजलास गठन सम्बन्धमा सहमति भएको छ, नियममै आवश्यकताका आधारमा परिवर्तन गरी वरिष्ठताका आधारमा संवैधानिक इजलास गठन गर्ने विषयमा सहमति भएको छ”, अध्यक्ष शाक्यले भन्नुभयो, “कुनै कन्फ्ल्क्टिस अफ इन्ट्रेष्ट भएमा वा स्वास्थ्यका कारणबाट बस्न नसक्ने भएमा त्यसभन्दा तहको न्यायाधीश राख्ने सहमति भएको छ ।”
बारका अध्यक्ष शाक्यसहित पदाधिकारीसँगको भेटमा प्रधानन्यायाधीश राणाले भविष्यमा पनि संवैधानिक इजलास गठन गर्दा विवादरहित ढंगले गर्न छलफल गर्नुभएको थियो । न्याय परिषद्बाट एक हप्ताभित्र संवैधानिक इजलास सञ्चालनसम्बन्धी नियमावली २०७२ संशोधन गरी सर्वोच्च अदालतको पूर्ण बैठकले पारित गर्ने विषयमा छलफल भएको जनाइएको छ ।
