काठमाडौं २३ पौष । प्रधानमन्त्री शेरबहादुर देउवा नेकपा एमालेका अध्यक्ष केपी शर्मा ओलीलाई भेट्न बालकोट जाने भएका छन् ।
संसद अवरोध हटाउने विषयमा छलफल गर्न बालकोट जान लागेका देउवाले ओलीलाई मनाउन सक्छन् या सक्दैन यो भने थाहा पाउन केहि समय लाग्ने भएको छ ।
देउवाले पटक पटक आफ्ना विश्वास पात्र ज्ञानेन्द्रबहादुर कार्कीलाई बालकोट पठाइसकेका छन् । तर त्यसको नतिजा सकारात्मक आउने सकेको छैन । यसै हप्ता वरिष्ठ नेता रामचन्द्र पौडेल समेत बालकोट पुगेका थिए ।
तर, अध्यक्ष ओली माधव नेपालसहित १४ सांसदको पद रिक्त गरेको सूचना सभामुख अग्निप्रसाद सापकोटाले टाँस्नुपर्ने अडानका साथ संसद अवरोध कायमै राख्ने जिरि गर्दै आएका छन् ।
संसद अवरोधले एमसीसीले गति लिन पाएको छेन भने संसदले बिजनेश नपाउँदा अर्को संकट आउने अवस्था बनेको छ ।
निकट स्रोतका अनुसार आज या भोली देउवा बालकोट जाने भएका छन् । यही पौष २८ गते प्रतिनिधिसभाको बैठक बसने भएको छ ।
