काठमाडौं २३ पौष । नेकपा एमालेका अध्यक्ष केपी शर्मा ओलीले राष्ट्रिय सभा निवार्चन एमालेमाथि गर्न सक्ने अन्तिम किस्ता रहेको बताएका छन् ।
शुक्रबार देशभरका ६३ जिल्लामा सुरु भएको जिल्ला अधिवेशशनलाई सद्घाटन गर्ने क्रममा ओलीले राष्ट्रिय सभाको परिणाम प्रतिकुल आउन सक्ने भन्दै यस्तो बताएका हुन् ।
चार वर्षअघि विभिन्न पक्षलाई व्यवस्थापन गर्ने नाममा सिट बाँडफाँट गरेको र अहिले त्यसलाई हतियार बनाएर प्रतिगामी गठबन्धन बनेको आरोप लगाएका ओलीले भने, ‘जो जति कमजोर छ, उसले त्यति चर्कोसँग गठबन्धन भनेर कराइरहेको छ । एमालेलाई गठबन्धन चाहिएको छैन, हामी एक्लै लड्न सक्छौं ।’
सकारात्मक परिणाम आएन भने अनौठो मान्न जरुरी नभएको बताएका ओलीले आजको जनादेश यो नभएको पनि दावी गरेका छन् । अहिले पनि एक्लै भएपनि मजबुत भएको दावी गरेका ओलीले एमालेलाई गठवन्धन नचाहिएको पनि जिकिर गरेका छन् ।
रिक्त १९ सिटको लागि माघ १२ गते राष्ट्रिय सभाको निवार्चन हुने भएको छ । जसको लागि गठवन्धन दलहरु सबैसिट ल्याउनको लागि लागि परेका छन् ।
