काठमाडौं २१ पौष । अख्तियार दुरुपयोग अनुसन्धान आयोगले एक वन अधिकृतमाथि भ्रष्टाचार मुद्धा चलाएको छ ।
वैज्ञानिक वन व्यवस्थापन कार्यक्रमको अनियमिततामा दोषी देखिएका सुदूरपश्चिम वन निर्देशनालय, धनगढीका निमित्त वन निर्देशक हेमराज विष्टमाथि ६ करोड ८७ लाख ५७ हजार ८० रुपैयाँ ६० पैसा भ्रष्टाचार गरेको भन्दै अख्तियारले बुधबार विशेष अदालतमा मुद्धा दायर गरेको हो ।
विष्टले भ्रष्टचार गरेको पैसाले श्रीमती रुबी जिसी विष्टको नाममा घर जग्गा तथा बैंक खातामा राखेको अख्तियारले बताएको छ ।
सामुदायिक वन उपभोक्ता समूहका सदस्य र पदाधिकारीको कीर्ते दस्तखत गर्ने जस्ता काम गरेको खुल्न आएको छ ।
