बलिउडमा नेपोटिज्म अब कुनै नौलो कुरा रहेन । जब सुशांत सिंह राजपुतको यसैका कारण निधन भयो त्यसपछि नेपोटिज्मका बारेमा खुलेर बहस हुन सुरु गरेको छ । सुशांत मात्र हैन बलिउडका अन्य धेरै कलाकारहरु पनि नेपोटिज्मको शिकार भएका छन् ।
त्यसमध्ये बलिउडका अर्का नायक कार्तिक आर्यान पनि पछिल्लो समय नेपोटिज्मको शिकार भएका छन्। सुशांत सिंहको निधन पछि नेपोटिज्मका पछाडि धेरै जोडिएका छन् त्यसमध्ये करण जोहार पनि हुन् ।
उनैले कार्तिक लाई ‘दोस्ताना २’ चलचित्रमा अभिनय गर्न नदिएको भारतीय संचारमाध्यमले जनाएका छन्। त्यस्तै कार्तिकलाई यसबीचमा शाहरुख खानले पनि चलचित्र ‘फ्रेडी’बाट हटाएका छन् ।
सुशांत सिंह राजपुतको निधनको एक बर्ष पुरा हुनै लाग्दा पनि नेपोटिज्म झन् झन् बढिनै रहेको छ । कार्तिकलाई हटाएपछि भारतमा करण जोहार र शाहरुख खानको तिब्र आलोचना भएको छ। यीनिहरुकै बलिउडमा हालिमुहाली रहेको छ ।
पहुँचवाला व्यक्तिहरुले आफ्नै सन्तान र नातागोता तथा चिनजानका मानिसलाई मात्र चलचित्रमा दिने गरेका आरोप लाग्ने गरेको छ । बिबेक ओवराय, जोन अब्राहम लगायतका नायकहरु नेपोटिज्मको शिकार भईसकेका छन् ।
