काठमाडौं १९ पौष । नेकपा माओवादीका नेता वर्षमान पुन भोली मंगलबार स्वदेश फर्किने भएका छन् । विरलै देखिने जन्डिस रोगबाट ग्रसित भएका नेता पुन लामो समय पछि स्वदेश फर्किन लागेका हुन् ।
महासचिवका दावेदार पुन मंगलबार आउने भएसँगै आजको बैठकमा पदाधिकारी चयन नै नगरी सकिएको हो । नेता पुनको सहभागिताको लागि आजको बैंठकमा अध्यक्ष मात्र चयन गरी सकिएको हो ।
प्रचण्डले नेता पुनकै उपस्थितिमै पदाधिकारी चयन गर्दा ठीक हुन्छ भन्ठानेर नै २५ गतेसम्मका लागि बैठक स्थगित गरिएको बताएका छन् । पार्टी महासचिवका लागि पुनसँगे जनार्दन शर्मा अगाडी देखिएका छन् ।
यता प्रचण्डले देव गुरुङलाई समेत महासचिवको लागि सारेका छन् ।
