सप्तरी १८ पौष । डा सिके राउत नेतृत्वको जनमत पार्टीका सात जना कार्यकर्तालाई थप सात दिन हिरासतमा राख्ने भएको छ ।
सप्तरीबाट पक्राउ परेका उनीहरुलाई सार्वजनिक शान्तिविरुद्धको कसुरमा अनुसन्धानका लागि थप ७ दिन हिरासतमा राख्न जिल्ला अदालतबाट अनुमति लिएको बताइएको छ ।
जनमत पार्टीका जिल्ला अध्यक्ष चन्देश्वर मण्डल, सचिव थानेश्वर साह, कंचनरुप नगरपालिका समिति अध्यक्ष अनिल पञ्जियार, हनुमाननगर कंकालिनी– १ का अध्यक्ष सुरेन्द्र मण्डल तथा नेताहरु महीनारायण साह, योगानन्द साहलाई हिरासतमा राखेर अनुशनधान गर्न थप सात दिन थपिएको हो ।
किसानको आन्दोलनलाई सम्बोधन गर्दै गत हप्ताबाट आन्दोलन सुरु गरेको जनमत पार्टीका १४ जना नेता कार्यकर्तालाई प्रहरीले पक्राउ गरेको थियो ।
