काठमाडौं १८ पौष । नेकपा माओवादी केन्द्रले स्थायी कमिटिको बैठक बोलाएको छ ।
पार्टीको आठौं महाधिवेशन अन्र्तगत केन्द्रीय पदाधिकारी छनोटबारे छलफल गर्न स्थायी कमिटी बैठक बोलाएको हो ।
बैठक कमलादीस्थित प्रज्ञा भवनमा बस्ने तयारी भइरहेको बताइएको छ । माओवादी विधान अनुसार अध्यक्ष सहित १५ सदस्यीय पदाधिकारीको व्यवस्था रहेको छ ।
साथै सहमतिकै आधारमा केन्द्रीय कमिटी चयन गर्ने भन्दै शनिबारबाट सुरु भएको निर्वाचन प्रक्रिया समेत आज दिउँसो २ बजे सम्मका लागि स्थगित गरिएको थियो ।
