एजेन्सी-‘टार्जन’ अभिनेता जो लाराको विमान दुर्घटनामा परी निधन भएको छ । टिभी श्रृखंला ‘टार्जन इन म्यानहेट्टन’मा टार्जनको भूमिकाबाट उनी चर्चित बनेका थिए । ५८ वर्षीय लाराको शनिबार विमान दुर्घ टनामा निधन भएको अन्तराष्ट्रिय मिडियाले जनाएका छन् ।। दुर्घटनामा उनकी श्रीमती ग्वेन श्याम्बलिन लारा सहित अन्य ५ जनाको निधन भएको हो । उनी चढेको सानो बिमान अमेरिकाको टेनेसीमा रहेको तालमा दुर्घटना भएको थियो ।
टिमले ७ मानिसको अवशेष समेत फेला पारेको छ । लाराले १९८९ मा टेलिश्रृखंला ‘टार्जन इन म्यानहेट्टन’ मा टार्जनको भूमिका निर्वाह गरेका थिए । त्यसपछि उनले टिभी सिरिज ‘टाजर्न स् द इपिक भेडवेन्चर्स’ मा पनि काम गरेका थिए । संगीतमा करियर बनाउन उनले २००२ मा अभिनयबाट बिदा लिएका थिए ।
