काठमाडौं १७ जेठ । सरकारमा जान आतुर देखिएको जनता समाजवादी पार्टीका अध्यक्ष महन्थ ठाकुर र प्रधानमन्त्री केपी शर्मा ओलीबिच भेटवार्ता भएको छ । प्रधानमन्त्रीको सरकारी निवास बालुवाटारमा भएको भेटमा सरकार जाने विषयमा छलफल भएको बताइएको छ ।
जसपाको ठाकुर पक्षलाई लिएर सरकारमा जाने तयारी गरेका ओलीलाई भेट्न अर्का नेता राजेन्द्र महतो पनि बालुवाटार पुगेका थिए । बालुवाटार स्रोतले जनाए अनुसार यही हप्ता नै ठाकुर पक्ष सरकारमा जाने टुंगो लाग्ने भएको छ ।
