नेपाली पुरुष टोली एसियन सिनियर सेन्ट्रल जोन पुरुष तथा महिला भलिबल च्यालेन्ज कपमा श्रीलंका संग पराजित हुन पुगेको छ ।बंगलादेशको ढाकामा आज भएको खेलमा नेपाल श्रीलंकासँग ३-१ को सेटमा पराजित हुन पुगेको हो । शाहिद शुरवार्दी इन्डोर स्टेडियममा श्रीलंकाले २५-१८, २२-२५ , २५-१६ र २५-१५ ले जित्दै खेल आफ्नो पक्षमा पारेको थियो ।
जम्मा ४ सेटको खेलमा १ सेट मात्र नेपालले जितेको थियो । बाँकि ३ सेट श्रीलंकाले जितेको हो । यस प्रतियोगितामा नेपालको पुरुष टोलीको यो दोस्रो पराजय हो । नेपाल यसअघि आफ्नो पहिलो खेलमा बंगलादेशसँग ३-० को सेटमा पराजित भएको थियो। तर, दोस्रो खेलमा उज्वेकिस्तानलाई ३-१ को सेटमा हराएको थियो । आजै भएको महिला तर्फको खेलमा भने नेपाल बिजयी भएको थियो ।
