प्रदेश नम्बर १ पीएम कप राष्ट्रिय महिला क्रिकेट प्रतियोगिताको फाइनलमा पुगेको छ । आज भएको पहिलो सेमिफाइनल खेलमा सुदूरपश्चिम प्रदेशलाई ९ विकेटले पराजित गरे संगै प्रदेश १ फाइनलमा पुगेको हो । अब प्रदेश १ ले उपाधिका लागि एपीएफ र लुम्बिनी प्रदेशबीचको विजेतासँग प्रतिष्पर्धा गर्नेछ । सुदूरपश्चिमले प्रदेश नम्बर १ समक्ष ८६ रनको लक्ष्य प्रस्तुत गरेको थियो ।
लक्ष्य पछ्याउँदै जवाफि ब्याटिंग गरेको प्रदेश १ ले १६ ओभर ५ बलमा मात्र १ विकेट गुमाएर लक्ष्य भेटाएको थियो । प्रदेश १ को जितका लागि कप्तान रुबिना क्षेत्रीले नटआउट ३१ रन जोडिन । यस्तै काजल श्रेष्ठले २८ रनको योगदान गरिन् । अप्सरी बेगम ९ रनमा नटआउट रहिन ।
दूरपश्चिमका लागि कविता जोशीले १ विकेट लिएकी थिईन । यस अघि पहिले ब्याटिङ गरेको सुदूरपश्चिमले २० ओभरमा ७ विकेट गुमाएर ८५ रन जोडेको थियो । प्रदेश १ का लागि संगीता राई, ज्योति दनुवार,अलिशा खडिया र रुबिना क्षेत्रीले एक एक विकेट चड्काएका थिए ।
