बिदेशी खेलाडी मुटम्बा पिस्टनको २ गोलको मद्धत संगै सहिद स्मारक ‘ए’ डिभिजन लिग फुटबलमा हिमालयन शेर्पा क्लबले च्यासल युथ क्लब माथि शानदार जित निकालेको छ । आज भएको खेलमा हिमालयनले च्यासल युथ क्लबलाई एकका बिरुद्ध तीन गोलले हराउँदै जित निकालेको हो । हिमालयनको जितमा मुटम्बा पिस्टनले ब्यक्तिगत दुई गोलको योगदान दिए ।
त्यस्तै अर्काे गोल सुरेश कुमालले गरेका थिए । च्यासलका रुमेश बर्तौलाले सान्त्वना स्वरुप एक गोल फर्काएका थिए। आजको यो जितसँगै हिमालयनले ६ खेलमा ८ अंक जोड्दै अंक तालिकाको छैटौं स्थानमा उक्लिएको छ । च्यासलले ६ खेलमा ४ अंक जोडेको छ । च्यासल अंक तालिकाको १३ औं स्थानमा रहेको छ ।
