काठमाडौं ९ पौष । नेकपा माओवादीका अध्यक्ष पुष्पकमल दाहाल प्रचण्डले एमाले अध्यक्ष केपी शर्मा ओलीलाई लक्षित गर्दै अवसरवादीहरु अहिले गाउँगाउँमा शिला खोज्दै हिँड्ने गरेको बताएका छन् ।
शुक्रबार काठमाडौंस्थित त्रिपुरेश्वरमा आयोजित एक नेकपा माओवादी केन्द्र र नेकपा मसाल (सम्पर्क केन्द्र)बीच एकता कार्यक्रममा अध्यक्ष प्रचण्डले यस्तो प्रतिक्रिया दिएका हुन् ।
‘अहिले केही मान्छे गाउँगाउँमा शिला खोज्दै हिँडेका छन्, तर सुनारको सय चोट लोहारको एकैचोट भन्ने यो सन्देश दिन चाहान्छु’ प्रचण्डले भने ।
ओलीले कम्युनिस्ट आन्दोलनलाई विसर्जन गर्न चाहेको बताएका उनले आगामी निर्वाचनमा एमालेको हैसियत देखाउने पनि बताएका छन् ।
‘हामी राष्ट्रिय एकताको झण्डा उचो राख्न चाहान्छौँ । केही समयपछि नै स्पस्ट हुनेछ । कि को विजयी हुने हो, को होइन भन्ने कुरा’, प्रचण्डले भने ।
