एसीसी यू १९ एसिया कप क्रिकेट प्रतियोगिता अन्र्तगत नेपाल र बंगलादेशको खेल धकेलिएको छ । युएईमा आयोजना हुने एसिया कप क्रिकेट अन्तर्गत नेपाल र बंगलादेशबीचको खेल सरेको एसियन क्रिकेट काउन्सिल एसीसीले जनाएको छ । दुबै टिमबीचको खेल एक दिनपछि सरेको जनाएको हो । नेपाल र बंगलादेशबीचको खेल भोली हुने तालिका रहेको थियो ।
अब समूह बी मा रहेको नेपाल र बंगलादेशबीचको खेल भने शुक्रबार मात्र हुन्छ । समूह बि मा नेपालसँगै बंगलादेश, श्रीलंका र कुवेत रहेका छन् । समूह ‘ए’ मा भने आयोजक युएई, भारत, पाकिस्तान र अफगानिस्तान रहेका छन् ।नेपालले दोस्रो खेल श्रीलंकाविरुद्ध डिसेम्बर २६ मा खेल्नेछ । नेपालले समूह चरणको अन्तिम खेल कुवेतविरुद्ध डिसेम्बर २८ मा खेल्नेछ ।
