इंग्लिस प्रिमियर लिग फुटबलमा म्यानचेस्टर सिटीले न्युकासल युनाईटेड माथि एकदमै फराकिलो जित निकाल्न सफल भएको छ । आज राती सम्पन्न खेलमा सिटीले न्युकासल युनाईटेडलाई चार शुन्य गोल अन्तरले पराजित गरेको हो ।
सिटीलाई जित दिलाउन रुबेन डियास, जोआ कान्सेलो, रियाद महरेज र रहिम स्ट्रर्लिङले एक एक गोलको योगदान दिए । आजको यो जितसँगै सिटीले १८ खेलमा ४४ अंक जोडेको छ । सिटीले शीर्ष स्थानमा ४ अंकको अग्रता बनाउन सफल भएको छ ।
न्युकासल १० अंक जोडेर १९ औं स्थानमा रहेको छ । त्यस्तै आज राती नै सम्पन्न अर्काे खेलमा चेल्सी बराबरीमा रोकिएको छ । चेल्सीले उल्भ्ससँग गोलरहित बराबरी खेलेको हो । उल्भ्सको मैदानमा दुबै टोलीले पाएको मौकालाई सदुपयोग गर्न सकेनन् ।
आजको यो बराबरीसँगै चेल्सीले १८ खेलमा ३८ अंक जोडेको छ । चेल्सी तेस्रो स्थानमा रहेको छ । उल्भ्स २५ अंक जोडेर १८ औं स्थानमा रहेको छ ।
