साफ यू–१९ महिला फुटबल च्याम्पियनसिप अन्तर्गत आज भएको खेलमा नेपाल बिजयी भएको छ । आजको जित संगै नेपाल फाइनल नजिक पुगेको छ । बंगलादेशको ढाकामा आज राती सम्पन्न खेलमा भुटानलाई ४–० गोल अन्तरले पराजित गर्दै नेपाल फाइनलको नजिक पुगेको हो । आजको जितसँगै तीन खेलमध्ये दुईमा जित र एकमा बराबरीको नजिता निकालेको नेपालले सात अंक जोड्न सफल भएको छ ।
आयोजक बंगलादेशको पनि तीन खेलमा सात अंक रहेको छ । यता भारतले भने तीन मध्ये दुई खेलमा जीत र एक खेलमा पराजय भोग्दै ६ अंक जोडेको छ । नेपालले अब डिसेम्बर १९ मा भारतको सामना गर्नेछ र सोही खेलको नतिजाले नेपालको अबको यात्राको टुंगो लगाउनेछ । भुटान बिरुद्धको आजको खेलमा नेपालका लागि मेनुका आले मगरले दुई तथा कुशुम खतिवडा र रजनी थोकरले एक–एक गोलको योगदान दिए ।
