घरेलु टोली पाकिस्तानले पहिलो टी ट्वान्टीमा वेस्ट इन्डिजलाई पराजित गरेको छ । कराँचीमा आज भएको खेलमा पाकिस्तानले वेस्ट इन्डिजलाई ६३ रनले पराजित गरेको हो । आजको यो जितसँगै पाकिस्तानले तीन खेलको सिरिजमा एक शुन्यको अग्रता लिएको छ । पाकिस्तानले वेस्ट इन्डिज समक्ष २ सय १ रनको लक्ष्य प्रस्तुत गरेको थियो ।
लक्ष्य पछ्याएको वेस्ट इन्डिजले १९ ओभरमा अलआउट हुँदै १ सय ३७ रन मात्र बनाउन सक्यो । वेस्ट इन्डिजका लागि साई होपले ३१ रन जोड्दा ओडिन स्मिथले २४ रन बनाए ।रोभमान पावेलले २३ तथा रोमारियोले २१ रन बनाए । पाकिस्तानका मोहमद वासिम एक्लैले ४ तथा शादब खानले ३ विकेट लिए ।
यस अघि पहिले ब्याटिङ गरेको पाकिस्तानले २० ओभरमा ६ विकेट गुमाएर २०० रनको योगफल तयार पारेको थियो । पाकिस्तानका मोहमद रिजवानले ७८ रनको इनिङ्ग खेल्दा हेइदर अलीले ६८ रनको अर्धशतकीय इनिङ्स खेले । मोहमद नवाज ३० रनमा अविजित रहे ।वेस्ट इन्डिजका रोमारियोले २ विकेट लिएका थिए ।
