प्रधानमन्त्री पीएम कप राष्ट्रिय महिला क्रिकेट प्रतियोगिताको खेल तालिका आज सार्वजनिक भएको छ । नेपाल क्रिकेट संघ क्यानले खेल तालिका सार्वजनिक गरेको हो । पीएम कप महिला क्रिकेट पुस ३ देखि ११ गतेसम्म हुनेछ । यो प्रतियोगिता धनगढीको फाप्ला क्रिकेट मैदानमा आयोजना हुने क्यानले जनाएको छ। खेल तालिका अनुसार पुस ३ गते हुने पहिलो खेलमा प्रदेश १ र कर्णाली प्रदेशबीच प्रतिस्पर्धा हुनेछ ।
त्यहिँ दिन दोस्रो खेलमा बागमती प्रदेश र लुम्बिनी प्रदेशबीच प्रतिस्पर्धा हुनेछ । यस प्रतियोगितामा जम्मा ८ वटा टीमको सहभागिता रहेको छ । आठ टोलीलाई समुह ए र समुह बि मा बिभाजन गरिएको । समूह ए मा प्रदेश १, लुम्बिनी प्रदेश, बागमती प्रदेश, कर्णाली प्रदेश रहेको छ । समूह बी मा नेपाल एपीएफ क्लब, सुदूरपश्चिम प्रदेश, गण्डकी प्रदेश र प्रदेश २ रहेका छन् ।
