जावलाखेल युथ क्लबले सहिद स्मारक ‘ए’ डिभिजन लिग फुटबलमा बराबरी खेल्दै पहिलो अंक जोड्न सफल भएको छ । आज भएको खेलमा ब्रिगेड ब्वाइज क्लबसँग गोलरहित बराबरी खेल्दै जावलाखेलले लिगमा पहिलो एक अंक जोडेको हो । दशरथ रंगशालामा ब्रिगेडविरुद्ध हाबी भएपनि जावलाखेलले गोल निकाल्न सकेन ।
पहिलो हाफको तुलनमा दोस्रो हाफमा ब्रिगेडले सुधारिएको प्रदर्शन गरेको थियो । तर, दुबै टोलीले गोलको अवसर सिर्जना गर्न नसके पछि अंक बाँडन बाध्य भए । आजको यो बराबरीसँगै जावलाखेलले ४ खेलमा १ अंक जोडेको छ । जावलाखेल १३ औं स्थानमा उक्लिएको छ ।
ब्रिगेडले ४ खेल ५ अंक जोडेको छ । ब्रिगेड सातौं स्थानमा उक्लिएको छ । खेलको म्यान अफ दि म्याच जावलाखेलका सुरज ज्यु ठकुरी चुनिए । यस्तै इमर्जिङ प्लेयरको अवार्ड ब्रिगेडका रोशन राना मगरले प्राप्त गरे ।
