काठमाडौं २४ मंसिर । नेकपा एकिकृत सामाजवादी पार्टीका अध्यक्ष नेता माधव नेपालले नेपाली राजनीतिमा कालो बादल मडारिन खोजिरहेको बताएका छन् ।
नेपाली कांग्रेसको १४ औं महाधिवशेनमा शुभकामना दिन उद्घाटन स्थल भृकुटीमण्डप पुगेका नेता नेपालले शुभकामना दिँदै गर्दा यस्तो अभिव्यक्ति दिएका हुन् ।
‘नेपालको राजनीतिमा कालो बादल मडारिन खोजिइरहेको छ । म सावधान भन्न चाहन्छु । प्रतिगामी तत्वहरूलाई भन्न चाहन्छु । फेरि टाउको उठाउने दुस्साहस नगर्नुहोस् । अब नदीको प्रवाह अघि बढिसकेको छ त्यो फेरि पछाडि जाँदैन’ नेपालले भने ।
नेपालमा राजतन्त्रको कुनै भविष्य नभएको बताएका उनले नेपाली जनता फेरि ज्वालामुखी भई मेचीदेखि महाकालीसम्म विस्फोटको रुपमा आउँसक्ने बताएका छन् ।
