काठमाडौं २४ मंसिर नेपाली कांग्रेसको १४ औं महाधिवेशनको उद्घाटन सत्रमा सहभागी नहुने भन्दै आएका वरिष्ठ नेता रामचन्द्र पौडेल अन्तत सहभागी हुने भएका छन् ।
आफ्नो समुहबाट सभापति चयनमा भएको भनाभन पछि महाधिवेशनको उद्घाटनमा सहभागी नहुने बताएका पौडेल विमलेन्द निधिको एक फोन कल पछि सहभागी हुने भएका हुन् ।
निधिले फोन मार्फत पौडेललाई तपाई नै महाधिवेशनमा नआएपछि काँग्रेसमा राम्रो सन्देश नजाने भन्दै जसरी पनि आउनुपर्छ भनेर निधिले आग्रह गरेपछि पौडेले आफुले आउने बताएका थिए ।
काठमाडौंमा भृकुटीमण्डपमा सुरु हुन लागेको महाधिवेशनमा भोली शनिबार उम्मेदवारी दर्ता र आइतबार निवार्चन हुने कार्यतालिका रहेको छ ।
सभापतिका आकांक्षी प्रकाशमान सिंह र शेखर कोइरालाबिच सहमति हुन नसके पनि पौडेल काँग्रेसको राजनीतिबाटै सन्यास लिने भन्दै हिडेका थिए ।
