काठमाडौं १७ मंसिर । काठमाडौंको सोह्रखुट्टेस्थित नयाँ बजारमा भिषण आगलागी भएको छ । आज शुक्रबार दिउँसो नयाँ बजारमा रहेको एक ब्ल्याङ्केटको गोदाममा आगलागी भएको हो ।
उक्त आगो नियन्त्रण गर्नको लागि काठमाडौं, भक्तपुर, ललितपुर,नेपाली सेना, सशस्त्र प्रहरी बल र नेपाल प्रहरीका दमकलहरु खटिएका छन् ।
महानगरीय प्रहरी वृत्त, सोह्रखुट्टेले दिएको जानकारी अनुसार वस्तीको बीचमा आगलागी लागेकाले बाहिर फैलिन नदिने प्रयास गरिरहेको बताएका छन् ।
बाहिरी भागको आगो नियन्त्रणमा लिएपछि भित्र प्रवेश गरेर आगलागी हुनुको कारण थाहा पाइने पनि प्रहरीले जनाएको छ ।
