काठमाडौं १७ मंसिर । नेकपा एमालेका अध्यक्ष केपी शर्मा ओलीले आफुहरुले निष्काशन गरेको व्यक्तिहरु संसदमा राखे संसद चल्न नदिने बताएका छन् ।
आज दोस्रो पटक पार्टीको अध्यक्षमा पदवहाली गर्दै केन्द्रिय पार्टी कार्यालय थापाथलीबाट ओली संसद चल्न नदिने बताएका हुन् ।
‘(संसद_ किन बोलाइएको हो, सरकारी पक्ष कसरी प्रस्तुत हुन्छ त्यसबाट थाहा होला’ ‘हामीले निष्कासन गरेका व्यक्तिहरु संसदमा राखेर संसद कसरी चल्न सक्छ ? नियमले गैर सांसदलाई सभामा बस्न दिँदैन ।’ ओलीले भने ।
माधव नेपाल लगायत सहितका सांसदलहरुलाई आफ्नो पार्टीले कारवाही गरेको सुचना सभामुख अग्निप्रसाद सापकोटाले सुनुवाइ नगरी पद कायम गरिदिएको आरोप लगाएका ओलीले सभामुखले अवैध ढंगले आफ्नो पार्टी फुटाएको दावी गरेका छन् ।
ओलीले मंसिर २८ गते बोलाइएको संसद अधिवेशन चल्न नदिने बताएका हुन् ।
