काठमाडौं १३ मंसिर । म्याग्दीमा बोलेरो जीप दुर्घटना हुँदा तीन जनाको मृत्यु भएको छ । ग १ ज ७२ ५२ नम्बरको जीप बेनीबाट रघुगंगा बेगखोलातर्फ जाँदै गर्दा सडकबाट ५० मिटर तल खस्दा दुर्घटना भएको हो ।
दुर्घटना हुँदा २ जनाको घटनास्थलमै ज्यान गएको र एक जनाको भने अस्पताल लैजाँदै गर्दा ज्यान गएको हो । ज्यान गुमाउनेमा खिमनाथ शर्मा, गौमाया विक र खिमु पुन रहेका छन् ।
जिल्ला प्रहरी कार्यलय म्याग्दीले दिएको जानकारी अनुसार जीपका चालक दुतबहादुर पुनसहित ५ जनालाइ बेनी अस्पतालमा उपचार भइरहेको छ ।
घाइते मध्ये दूई जनाको अवस्था गम्भिर रहेको छ ।
