दाङमा यतिबेला खुशियाली छाएको छ । एमाले नेता शंकर पोख्रेल नेकपा एमालेको १० औँ राष्ट्रिय महाधिवेशनबाट महासचिवमा निर्विरोध निर्वाचित भएपछि उनको गृह जिल्ला दाङमा रहेका एमाले कार्यकर्ताले खुसियाली मनाएका हुन् । पोख्रेल महासचिव बनेको भन्दै दाङ तुलसीपुरको मदनआश्रित चोकमा आज बेलुका धुमधामका साथ दिपावली गरिएको हो ।
कार्यकर्ताहरुले पोख्र्रेलको स्वागतार्थ पार्टीको चुनाव चिन्ह सहितको लोगो बनाएर दिप प्रज्वलन गरेका हुन् । लुम्बिनी प्रदेशका मुख्यमन्त्री समेत रहेका पोख्रेल ९ औं महाधिवेशनमा उपमहासचिव पदमा पराजय भोगेका थिए । तर ओलीको एकदमै बिश्वास पात्रका रुपमा रहेका पोखरेललाई पार्टी अध्यक्ष ओलीले केन्द्रीय सदस्यबाट स्थायी कमिटी सदस्यमा मनोनित गरेका थिए।
