बलिउडमा धमाल मच्चाएकी नायिका प्रियंका चोपडा अब हलीउडको ठुला ठुला प्रोजेक्टहरुमा काम गर्न थालिसकेकी छिन् । उनको नयाँ फिल्म द मेट्रिक्स रेजुरेक्सनको रिलिजको प्रतिक्षा उनका फ्यानहरुलाई तिब्र रुपमा भईरहेको छ । यसैक्रममा फिल्मको नयाँ टीबी स्पट पनि बाहिरिएको छ । यस भिडियोमा प्रियंकाले कसैलाई आँखा झिम्काईरहेको देख्न सकिन्छ ।
द मेट्रिक्स रेजुरेक्सन को ट्रेलर केहि समय पहिला नै आएको थियो । यस ट्रेलरलाई एकदमै मन पराइएको थियो । ट्रेलरमा प्रियंकाको झलक देख्न पाइएको थियो । केहि दिन पहिला प्रियंकाले फिल्ममा आफ्नो लुक्स सबैलाई सार्वजनिक रुपमा राखेकी थिईन् । उक्त लुक्सको चर्चा एकदमै भएको थियो । अब फिल्मको ए टीबी स्पट भिडियो बाहिर आएको छ । अहिले उक्त भिडियो भाइरल भएको छ ।
भिडियोमा प्रियंकाले ठुलो चश्मा लगाएकी छिन्, टी–शर्ट तथा स्कार्फ लगाएको देख्न सकिन्छ । उनी कोही संग गफ गरिरहेको देख्न सकिन्छ । प्रियंकाले हातले ईशारा गर्दै ति ब्यक्तिलाई आँखा झिम्काएको हेर्न पाईन्छ ।
