कट्रिना कैफ र बिक्की कौशलको बिबाह बलिउडको सबैभन्दा चर्चाको बिषय बन्न पुगेको छ । बलिउडको लभ बर्डको रुपमा रहेको यस जोडीको बिबाहलाई लिएर हरेक पल नयाँ नयाँ खबरहरु बाहिर आईरहेका छन् । दुबैको डिजाईनर वेडिंग आउटफिट देखि लिएर बिबाह स्थल सम्मको हरेक कुरा चर्चामा रहेका छन् । अब यो दम्पत्तीको बिबाहमा हुने संगीत सेरमोनीको बिषयमा नयाँ खबर बाहिर आएको छ ।
टिओआइको रिर्पाेट अनुसार बलिउडको एकदमै चर्चित कोरियोग्राफर फराह खान तथा फिल्ममेकर करण जोहर कट्रिना कैफ र बिक्की कौशलको बिबाहको संगीत नाइटको कोरियोग्राफ गर्ने तयारीमा रहेका छन् । फराह खानले कट्रिनाको तर्फ बाट र बिक्की कौशलको तर्फबाट करण जोहरले कोरियोग्राफीको जिम्मेवारी उठाउने बताइएको छ ।
यो संगीत साँझ डिसेम्बर ७ हुने बताइएको छ । कट्रिना कैफ र बिक्की कौशलको बिबाहमा करण जोहर, फराह खान, जोया अख्तर सबैभन्दा स्पेशल पाहुना हुने बताइएको छ । त्यस्तै कट्रिना कैफको नजिककी साथी अलबीरा, अर्पिता खान शर्मा पनि बिबाहका आउने बताइएको छ । यद्यपी आफ्नो ब्यस्त कार्यतालिका कारण सलमान खान भने बिबाहमा उपस्थित नहुने बताइएको छ ।
