काठमाडौं ११ मंसिर । नेकपा एमालेको १० औं राष्ट्रिय महाधिवेशनको बन्दशत्र शुरु भएको छ । बन्दशत्र चितवनको सौराहास्थित होटल सेभेन स्टारको हलमा सुरु भएको हो ।
बन्दशत्र शुरु भएसँगै अध्यक्ष केपी शर्मा ओली पनि पुगेका छन् । बन्दशत्रको उद्घाटन सत्रमा एमाले महाधिवेशनको निमन्त्रणामा नेपाल आएका विदेशी पाहुनाहरुले सम्बोधन गर्ने कार्यक्रम रहेको छ भने पार्टी अध्यक्ष ओलीले पनि सम्बोधन गर्ने भएका छन् ।
त्यसैगरी, हिजो शुक्रबार बसेको केन्द्रीय कमिटीको बैठकले गरेको विधान संशोधनलाई पनि अनुमोदन गर्ने बताइएको छ ।
