बलिउडका चलेका नायक नायीका बिक्की कौशल तथा कैट्रीना कैफको बिबाह एकदमै नजिकिरहेको छ । डिसेम्बर पहिलो साता विवाह बन्धनमा बाँधिँदै छन् । दुवैले औपचारिक घोषणा नगरे पनि विवाहको तयारी धूमधामका साथ चलिरहेको छ । यो जोडीले राजस्थान जानु भन्दा पहिला नै मुम्बईमा कोर्ट म्यारीज गर्ने बताइएको छ ।
यी दुईको विवाह समारोह जयपुरको एक रिसोर्टमा हुनेछ । त्यस्तै बिक्की कौशल र कैट्रीनको बिबाहमा पाहुनाको लागी मोबाईल प्रयोगमा प्रतिबन्ध लगाईने भएको छ । इभेन्ट म्यानेजमेन्ट एजेन्सीले यो जिम्मेवारी लिएको छ कि बिबाह संग जोडिएको कुनै पनि भिडियो तथा तस्बीर सामाजिक सञ्जालमा भाइरल नहोस् ।
कैट्रीना र बिक्की स्यंमले सामाजिक सञ्जालमा आफ्नो भिडियो तथा फोटो नहाले सम्म अरुले नहालुन् भनेर यस्तो गर्न लागिएको हो । यसअघि बलिउड अभिनेत्री प्रियङ्का चोपडा र अमेरिकी गायक निक जोनसको विवाहमा पनि अतिथिलाई मोबाइल लैजान प्रतिबन्ध लगाइएको थियो ।
