काठमाडौं ८ मंसिर । प्रधानन्यायाधीश चोलेन्द्र शमशेर जवराको राजीनामा माग्दै आन्दोलनरत बार एसोसिएसनले आज बुधबार पनि सर्वोच्च परिसरमा धर्ना दिएको छ ।
गोलाप्राथा कहिलेबाट लागु गर्ने भन्ने विषयमा अहिले २ बजे सर्वोच्च अदालतका न्याायाधीशहरु छलफलमा जुट्ने भएका छन् । त्यसै गरी फुलकोर्ट बैठक बस्नको लागि पनि न्यायाधीशहरु आन्तरिक छलफलमा बस्ने भएका हुन् ।
साता व्यापी आन्दोलनको घोषणा गरेको बारले आज बुधबार उपत्यकाको उच्च अदालत पाटनसहित देशभरका १८ उच्च अदालतमा २ घन्टा कालोपट्टीसहितको धर्ना र विरोध कार्यक्रमको आयोजना गरेको छ ।
गत कात्तिक १४ गते देखि प्रधानन्यायाधीश जवराको राजीनामा माग गर्दे कानुन व्यवसायीहरु आन्दोलन गरिरहेका छन् । यता जवराले भने पेशी तोकिरहेका छन् ।
