काठमाडौं ७ मंसिर । नेपालमा पछिल्लो २४ घण्टामा थप ३५१ जनामा कोरोना भाइरस संक्रमण पुष्टि भएको छ । योसँगै हाल सम्म नेपालका कोरोना संक्रमितको संख्या ९ लाख १५ हजार ६९ पुगेको छ ।
स्वास्थ्य तथा जनसंख्या मन्त्रालयले दिएको जानकारी अनुसार ८ हजार ७ सय २९ जनाको पीसीआर परीक्षण गर्दा ३१३ जना र १ हजार ४ सय ४५ जनाको एन्टिजेन परीक्षण गर्दा ३८ जना गरी ३५१ जनामा कोरोना संक्रमण देखिएको हो ।
यस्तै गरी , पछिल्लो २४ घण्टामा २७३ जना निको भएर घर फर्किएका छन् । साथै नौ जना संक्रमितको भने ज्यान गएको छ । योसँगै नेपाल मृत्यु हुनेको संख्या ११ हजार ५०९ पुगेको छ ।
कोरोनाका बिरामीमध्ये २२३ जना आईसीयू र ५१ जना भेन्टिलेटरमा उपचार गराइरहेका मन्त्रालयले जनाएको छ ।
