काठमाडौं ७ मंसिर । नेकपा एमालेको १० महाधिवेशनमा नेता सुवासचन्द्र नेम्वाङले वरिष्ठ उपाध्यक्ष पदमा उम्मेदवारी दिने घोषणा गरेका छन् ।
यही मंसिर १० गते देखि १२ गते सम्म चितवनमा आयोजना हुने महाधिवेशनमा संसदीय दलका उपनेता समेत रहेका नेम्बाङले वरिष्ठ उपाध्यक्ष पदमा उम्मेदवारी दिने घोषणा गरेका हुन् ।
आज सम्म पनि सर्वसम्मतले नेतृत्व चयन गर्ने पक्षमा पार्टी रहेपनि कत चुनाव गर्नुपर्ने स्थिति आए आफु वरिष्ठ उपाध्यक्ष पदमा उम्मेदवारी दिने घोषणा गरेको बताएका हुन् । सर्वसम्मत गरौ भन्नेमा आफुले जोड दिएको बताएका उनले यस पटक आकांक्षीहरु धेरै हुँदा व्यवस्थापन गर्न सकस भएको पनि बताएका छन् ।
गत असोजमा विधान परिवर्तन गरेर एमालेले वरिष्ठ उपाध्यक्ष पद सिर्जना गरेपनि यो पदको लागि हालका महासचिव ईश्वर पोखरेल,रामबहादुर थापा बादल र नेम्वाङ आकांक्षी भएकाले चुनावको विकल्प नरहेको देखिएको छ ।
