काठमाडौं ३ मंसिर । नेकपा माओवादी केन्द्रका अध्यक्ष पुष्पकमल दाहाल प्रचण्डले योग गुरु रामदेव वैज्ञानिक र क्रान्तिकारी भएको बताएका छन् ।
शुक्रबार पतञ्जली योगपीठको भवन उदघाटन कार्यक्रम सहभागी भएका प्रचण्डले योग गुरु रामदेव क्रान्तिकारी भएको भन्दै प्रशंसा गरेका हुन् ।
सुरुसुरुमा आफुलाई रुढीवादी र बढी परम्परावादी हुनुहुन्छ होला भन्ने लागेको त छलफल र संगत गर्दै जाँदा वैज्ञानिक र क्रान्तिकारी लागेको बताएका छन् ।
पूरै समाजलाई निरोगितातिर लैजाने अभियानको नेतृत्व रामदेवले गरेको भन्दै अध्यक्ष प्रचण्डले रामदेवको कार्यक्रममा खुलेरै प्रशंसा गरेका छन् ।
