डोटी १ मंसिर । डोटीमा एक दम्पतिले सामुहिक आत्महत्या गरेका छन् । जिल्लाको शिखर नगरपालिका-१ का २२ बर्षीय डिल्लीराज भट्ट र उनकी पत्नी २० वर्षीया पशुपति भट्टको शव घरनजिकै रुखमा झुण्डिएको अवस्थामा फेला परेको हो ।
अहिले उनीहरुको शव परीक्षणका लागि जिल्ला अस्पताल ल्याइएको जिल्ला प्रहरी कार्यालय डोटीले जनाएको छ ।
उनीहरुको शव मंगलबरा साँझ फेला परेको हो । स्थानीयले बताए अनुसार मृतक दम्पतिले एक वर्ष अघि मात्र प्रेम विवाह गरेका थिए ।
यस विषयमा प्रहरीले अनुशन्धानलाई अगाडी बढाएको छ ।
