काठमाडौं। कोरोना महामारीमा विश्व नै यतिबेला थलिएको छ । विश्वभर ठूलो संख्यामा संक्रमितहरु बढीरहेका छन् । कतिले परिवार गुमाइरहेका छन् त कति भने रमाइलोमा छन् । कतिपयले भने धुमधमले विबाह गरिरहेका छन् । जसमध्ये हालै एउटा विबाह आकाशमा गरियो । खबर हो तमिलनाडुको ।
जहाँ एक जोडील्े ले १ सय ३० जना आफन्त बोलाएर आकाशमा विबाह गरेको हो । २४ मे देखि ३१ मेसम्म पूर्ण लकडाउनको घोषणा गरेको समयमा तमिलनाडुको मदुरैका राकेश र दीक्षाले एक विमान भाडामा लिए र १३० आफन्तको साथमा आकाशमा नै विबाह गरेपछि अहिले तस्विर संसारभर भाइरल बनिरहेका छन् ।
दम्पतीले आफूसँग बिहेमा सहभागी भएका १३० जना सबै आफन्त भएको र उनीहरुमध्ये कोही पनि संक्रमित नभएको पुष्टि भए पछि विमानमा चढ्ने अनुमती दिएको बताइएको छ । जुन भिडियो अहिले सामाजिक संजालमा पनि भाइरल बनिरहेको छ ।
