काठमाडौं २६ कात्तिक । प्रधानन्यायाधीश चोलेन्द्र शम्शेर जबरा वैकल्पिक बाटोबाट सर्वोच्च अदालत पुगेका छन् । कानुन व्यवसायीहरुको गेट बाहिर भएको विरोध प्रदर्शनले गर्दा प्रधानन्यायाधीश जवरा मूल गेटको साटो एक नम्बर गेटबाट सर्वोच्च पुगेका हुन् ।
अहिले ११ बजे जवरा सर्वोच्च पुगेका हुन् । सुरक्षाकर्मीहरुले स्कर्टिङ गरेर जवरा सर्वोच्च प्रवेश गरेका हुन् । आज शुक्रबार अदालत पुरै बन्द गर्ने भन्दै कानुन व्यावसायहरु धर्नामा बसेका छन् ।
यो पनि …
सर्वोच्च अदालतको परिसरमा चार तहको सुरक्षा घेरा , सुरक्षा व्यवस्थालाई कडा पार्न प्रहरी प्रमुख एसएसपी नै फिल्डमा
काठमाडौं २६ कात्तिक । सर्वोच्च अदालतको परिसर भित्र र बाहिर बाक्लो सुरक्षाकर्मीको उपस्थित रहेको छ । प्रधानन्यायाधीश चोलेन्द्र शम्शेर जवराको राजीनामा माग गर्दै नेपाल बार एशोसियसनले नेतृत्वमा भइरहेको विरोध प्रदर्शनमा रोक्न प्रहरीको बाक्लो सहभागिता रहेको हो ।
प्रधानन्यायाधीशलाई सर्वोच्च भित्र प्रवेश गर्न नदिने बारको योजना विफ बनाउँदै चार तहको सुरक्षा घेरा बनाइएको छ ।
सर्वोच्चको मुल गेट तथा महान्यायाधीवक्ताको कार्यालय तर्फ र नेपाल बार एशोसिएससनको कार्यालयतर्फबाट सर्वोच्च अदालत भित्र प्रवेश गर्ने गेटहरु समेत बन्द गरी सुरक्षाकर्मीहरुले घेरा हालेका छन् ।
प्रहरी प्रमुख एसएसपी अशोक सिंह नै फिल्डमा खटिएर सुरक्षा व्यवस्थालाई कडा पारिएको छ । कानुन व्यवसायीहरु भने गेट बाहिर बसेर नै नारा धर्ना दिएका छन् ।
