काठमाडौं २५ कात्तिक । नेपाल बार एसोसिएसनले प्रधानन्यायाधीश चोलेन्द्र शमसेर जबराले बोलाएको न्याय परिषदको बैठक बहिस्कार गर्न सबै न्यायपरिषदका सदस्यहरुलाई आग्रह गरेको छ । बारले पत्र मार्फत सबैलाई उक्त बैठक बहिष्कार गर्न आग्रह गरेको हो ।
बारको अगुवाईमा भइरहेको विरोध प्रदर्शनमा बाबजुत पनि प्रधानन्यायाधीशले बैठक बोलाएपछि बारले बैठकमा नजना आग्रह गरेको छ । केहि दिन देखि जवराको राजीनामा माग्दै सर्वोच्च अदालतको परिसरमा विरोध प्रदर्शनमा भइरहेको छ ।
न्यायिक जगत र आम नागरिकको समेत विश्वास गुमाइसकेका प्रधानन्यायाधीशले न्याय परिषदको बैठक डाकेर विकृति बढेको बताउँदै बारले उक्त बैठक वहिष्कार गर्न आग्रह गरेको हो ।
साथै न्यायपालिकालाई विकृति, विसंगति, बिचौलिया र भ्रष्टाचारमुक्त बनाउन सबैले सहयोग गर्नुपर्ने पनि बारे पत्रमार्फत जानकारी गराएको छ ।
