काठमाडौं । बलिउडकी चर्चित अभिनेत्री कंगना रनौतलाई सोमबार नयाँ दिल्लीमा पद्मश्री अवार्डबाट सम्मान गरिएको छ । अवार्ड पाएपछि कंगनाले यो उपलब्धिको लागि फ्यान र फलोअर्सका लागि भिडियो सन्देश सेयर गरेकी छिन् ।
आफ्नो आधिकारिक सामाजिक सञ्जाल अकाउन्टबाट सेयर गरिएको यो भिडियोमा अभिनेत्रीले ‘आफूले यसअघि पनि अभिनेत्रीका रूपमा धेरै अवार्ड पाएको भएपनि पद्मश्रीले कसरी देशले मलाईलाई आदर्श नागरिकको रूपमा मूल्याङ्कन गरेको छ भन्ने थाँहा भयो ।’
यसैबीच कंगनाको यो भिडियोलाई लिएर उनका फ्यान र सामाजिक सञ्जाल प्रयोगकर्ताहरुले कडा प्रतिक्रिया दिइरहेका छन् ।सौर्य दैनिकमा खबर छ । एकातिर अभिनेत्रीलाई यो सम्मान पाएपछि उनका फ्यानहरु निकै खुसी देखिन्छन् । तर अर्कोतर्फ यो अवार्ड पाएपछि धेरै प्रयोगकर्ताले प्रश्न उठाएका छन् । उनको यो उपलब्धिलाई धेरै फ्यानहरुले बधाई दिएका छन् । जबकि कतिपय यसमा असन्तुष्टी जनाएका छन् ।
एक प्रयोगकर्ताले लेखेका छन्, ‘जब उनले पद्मश्री पाउन सक्छन् भने कोरोनामा मानिसहरूलाई सहयोग गरिरहेका सोनू सूदलाई किन नमिल्ने । यसै क्रममा एक प्रयोगकर्ताले चापलुसी गरेर यो अवार्ड पाएको लेखेका छन् ।
