एजेन्सी । भारतीय क्रिकेटर विराट कोहली र फिल्म स्टार अनुष्का शर्माकी छोरीलाई धम्की दिने व्यक्ति पक्राउ परेका छन् । पक्राउ पर्नेमा २३ वर्षीय रामनागेश श्रीनिवास अकुथिनी रहेको छ ।
पेशाले हैदराबादका सफ्टवेयर इन्जिनियर रहेका ति व्यक्तिले टि–२० विश्वकपमा भारत पाकिस्तानसँग पराजित भएपछि विराट कोहलीकी छोरीलाई बलात्कार गर्ने धम्की दिएका थिए ।
टी–२० विश्वकपमा पाकिस्तान र न्युजिल्याण्डसंग भारतको लगातार दुई पराजयपछि ट्वीटर एकाउन्टबाट यो धम्की दिइएको हो । धम्की पछि मुम्बईको साइबर सेलले उनलाई हैदराबादबाट पक्राउ गरेको हो ।
