काठमाडौं- साउथ सुपरस्टार रजनीकान्त अभिनित नयाँ फिल्म ‘अन्नाथे’ले रिलिजको चौथो दिनसम्म १७४ करोड भारु कमाएको छ।भारतीय सञ्चारमाध्यमले जनाए अनुसार फिल्मले तमिलनाडुमा निकै राम्रो व्यापार गरेको छ । फिल्म हेर्न हल सम्म जाने दर्शकको घुइचो नै लागेको छ ।
फिल्मले रिलिजको पहिलो दिनमा नै ७० करोड भारु को व्यापार गरेको थियो।योसँगै ‘अन्नाथे’ १०० करोडको आँकडा पार गर्ने रजनीकान्तको ९औं फिल्म बन्न सफल भएको छ ।
फिल्ममा मा रजनीकान्तका अलावा कीर्ति सुरेश, खुशबु सुन्दर, मीना, जगपथि बाबु लगायतका कलाकारको सफल अभिनय रहेको छ । फिल्मलाई शिवाले निर्देशन गरेका हुन् । फिल्मलाई पेद्दन्ना नाम दिएर तेलगु भाषामा पनि रिलिज गरिएको छ।
