काठमाडौं २२ कात्तिक । नवनियुक्त मुख्यमन्त्री राजेन्द्र पाण्डेले प्रदेश सभाको बैठकमा विश्वासको मत मागेका छन् । पाँच गठवन्धन दलको सहमतिमा मुख्यमन्त्री बनेका पाण्डेलाई गठवन्धन दलको समर्थन रहेको छ ।
पाण्डले आफुलाई विश्वासको मत दिन भन्दै बैठकमा सहभागी सबैदलसँग आग्रह गरेका छन् । मलाई विश्वासको मत दिएर हौसला प्रदान गर्नुहुन्छ भन्ने अपेक्षा राखेको बताउँदै पाण्डेले वागमती प्रदेशको प्रगति र विकासको कामलाई अगाडि बढाउने प्रतिवद्धता समेत व्यक्त गरेका छन् ।
मुख्यमन्त्री पाण्डे कात्तिक ११ गते मुख्यमन्त्रीमा नियुक्त भएका हुन् ।
