काठमाडौं २१ कात्तिक । नेपाली कांग्रेसका दोलखा जिल्ला सभापति बर्मा लामालाई अस्पताल भर्ना गरिएको छ । बिहिबार राति जुवाखालबाट पक्राउ परेका लामालाई अत्तरखेलस्थित नेपाल मेडिकल कलेजमा भर्ना गरिएको छ ।
उच्च रक्तचापको समस्या देखिएको कारण उनलाई अस्पताल लगिएको बताइएको छ । लामासहित जुवाखालबाट पक्राउ परेका १८ जनाविरुद्ध जुवासम्बन्धी मुद्दा सरकारी वकिलको कार्यालयमा बुझाउने तयारी गरिरहेको प्रहरीले जनाएको छ ।
शुक्रबार नै अस्पताल लगिएको उनलाई कांग्रेस नेताहरुको दबाब परेपछि अस्पताल लाने व्यवस्था मिलाइएको हो ।
