कञ्चनपुर कार्तिक १९ । कञ्चनपुरमा युवाहरुको दुई समुहबिच कुटाकुट भएको छ । जिल्लाको बेदकोट नगरपालिका–८ गैलनदीमा बिहिबार लक्ष्मी पूजाको दिन युवाहरुको समूहबीच कुटाकुट भएको भएको हो ।
उक्त कुटाकुटमा घाइते भएकाहरुलाई उपचारको लागि महाकाली प्रादेशिक अस्पतालमा लगिएको प्रहरीले जनाएको छ । सोही समुहले पुन अस्पतालमा आई आक्रमण गर्न खोज्दा एक प्रहरी समेत घाइते भएका छन् ।
घाइते प्रहरीको उपचार भइरहेको पनि जिल्ला प्रहरी कार्यालय कञ्चनपुरले जनाएको छ । घटनामा संलग्न पाँच जनालाई प्रहरीले पक्राउ गरेको छ भने अन्यको खोजी कार्य भइरहेको पनि प्रहरीले जनाएको छ ।
